lakshmi-narasimha-stotram

॥ Shri Lakshmi Narasimha Karavalamba Stotram ॥

srimatpayonidhiniketana chakrapane bhogindrabhogamanirajita punyamurte ।
yogisha shashvata sharanya bhavabdipota lakshminrsimha mama dehi karavalambam ॥

brahmendrarudramarudarkakiritakoti sanghattitanghrikamalamalakantikanta ।
lakshmilasatkuchasaroruharajahamsa lakshminrsimha mama dehi karavalambam ॥

samsaradavadahanakarabhikaroru jvalavalibhiratidagdhatanuruhasya ।
tvatpadapadmasarasi ruhamagatasya lakshminrsimha mama dehi karavalambam ॥

samsarajalapatitatasya jagannivasa sarvendriyartha badishagra jashopamasya ।
protkampita prachurataluka mastakasya lakshminrsimha mama dehi karavalambam ॥

samsarakumapatighoramagadhamulam samprapya duhkhashatasarpasamakulasya ।
dinasya deva kripaya padamagatasya lakshminrsimha mama dehi karavalambam ॥

samsarabhikarakarindrakarabhighata nishpidyamanavapushah sakalartinasha ।
pranaprayana bhavabhitisamakulasya lakshminrsimha mama dehi karavalambam ॥

samsarasarpavishadigdhamahogrativra damshtragrotiparidashtavinashthaurteh ।
nagarivahana sudhabdhinivasa shaure lakshminrsimha mama dehi karavalambam ॥

samsaravrikshabijamanantakarmashakhayutam karanapatramanangapushpam ।
aruhya duhkaphalitah chakita dayalo lakshminrsimha mama dehi karavalambam ॥

samsarasagaravishalakaralakalanakragrahagrasitanigrahavigrahasya ।
vyagrasya raganichayorminipiditasya lakshminrsimha mama dehi karavalambam ॥

samsarasagaranimajjanamuhyamanam dinam vilokaya vibho karunanidhe mam ।
prahladakhedapariharaparatara lakshminrsimha mama dehi karavalambam ॥

samsaraghoragahane charato murare marograbhikaramrigaprachuraraditasya ।
artasya matsaranidaghasuduhkhitasya lakshminrsimha mama dehi karavalambam ॥

baddhva gale yamabhatabahutarjayanta karshanti yatra bhavapashashatairyutam mam ।
ekakinam paravasham chakitam dayalo lakshminrsimha mama dehi karavalambam ॥

lakshmipate kamalanabha suresha vishno yagnesha yajna madhusudana vishvarupa ।
brahmanya keshava janardana vasudeva lakshminrsimha mama dehi karavalambam ॥

ekena chakramaparena karena shankha manyena sindhutanayamavalambya tishtan ।
vametarena varadabhayapadmachihnam lakshminrsimha mama dehi karavalambam ॥

andhasya me hritavivekamahadhanasyachorairmahabalibhirindriyanamadhyaih ।
mohandhakarakuhare vinipatitasya lakshminrsimha mama dehi karavalambam ॥

prahladanaradaparasharapundarika vyasadibhagavatapungavahrinnivasa ।
bhaktanuraktaparipalanaparijata lakshminrsimha mama dehi karavalambam ॥

lakshminrsimhacharanabjamadhuvratena stotram kritam shubhakaram bhuvi shankarena ।
ye tatpathanti manuja haribhaktiyukta ste yanti tatpadasarojamakhandarupam ॥

॥ श्री लक्ष्मीनृसिंह करावलम्ब स्तोत्रम् ॥

श्रीमत्पयोनिधिनिकेतन चक्रपाणे भोगींद्रभोगमणिराजित पुण्यमूर्ते ।
योगीश शाश्वत शरण्य भवाब्धिपोत लक्ष्मीनृसिंह मम देहि करावलंबम् ॥

ब्रह्मेंद्ररुद्रमरुदर्ककिरीटकोटि संघट्टितांघ्रिकमलामलकांतिकांत ।
लक्ष्मीलसत्कुचसरोरुहराजहंस लक्ष्मीनृसिंह मम देहि करावलंबम् ॥

संसारदावदहनाकरभीकरोरु-ज्वालावलीभिरतिदग्धतनूरुहस्य ।
त्वत्पादपद्मसरसीरुहमागतस्य लक्ष्मीनृसिंह मम देहि करावलंबम् ॥

संसारजालपतिततस्य जगन्निवास सर्वेंद्रियार्थ बडिशाग्र झषोपमस्य ।
प्रोत्कंपित प्रचुरतालुक मस्तकस्य लक्ष्मीनृसिंह मम देहि करावलंबम् ॥

संसारकूमपतिघोरमगाधमूलं संप्राप्य दुःखशतसर्पसमाकुलस्य ।
दीनस्य देव कृपया पदमागतस्य लक्ष्मीनृसिंह मम देहि करावलंबम् ॥

संसारभीकरकरींद्रकराभिघात निष्पीड्यमानवपुषः सकलार्तिनाश ।
प्राणप्रयाणभवभीतिसमाकुलस्य लक्ष्मीनृसिंह मम देहि करावलंबम् ॥

संसारसर्पविषदिग्धमहोग्रतीव्र दंष्ट्राग्रकोटिपरिदष्टविनष्टमूर्तेः ।
नागारिवाहन सुधाब्धिनिवास शौरे लक्ष्मीनृसिंह मम देहि करावलंबम् ॥

संसारवृक्षबीजमनंतकर्म-शाखायुतं करणपत्रमनंगपुष्पम् ।
आरुह्य दुःखफलितः चकितः दयालो लक्ष्मीनृसिंह मम देहि करावलंबम् ॥

संसारसागरविशालकरालकाल नक्रग्रहग्रसितनिग्रहविग्रहस्य ।
व्यग्रस्य रागनिचयोर्मिनिपीडितस्य लक्ष्मीनृसिंह मम देहि करावलंबम् ॥

संसारसागरनिमज्जनमुह्यमानं दीनं विलोकय विभो करुणानिधे माम् ।
प्रह्लादखेदपरिहारपरावतार लक्ष्मीनृसिंह मम देहि करावलंबम् ॥

संसारघोरगहने चरतो मुरारे मारोग्रभीकरमृगप्रचुरार्दितस्य ।
आर्तस्य मत्सरनिदाघसुदुःखितस्य लक्ष्मीनृसिंह मम देहि करावलंबम् ॥

बद्ध्वा गले यमभटा बहु तर्जयंत कर्षंति यत्र भवपाशशतैर्युतं माम् ।
एकाकिनं परवशं चकितं दयालो लक्ष्मीनृसिंह मम देहि करावलंबम् ॥

लक्ष्मीपते कमलनाभ सुरेश विष्णो यज्ञेश यज्ञ मधुसूदन विश्वरूप ।
ब्रह्मण्य केशव जनार्दन वासुदेव लक्ष्मीनृसिंह मम देहि करावलंबम् ॥

एकेन चक्रमपरेण करेण शंख-मन्येन सिंधुतनयामवलंब्य तिष्ठन् ।
वामेतरेण वरदाभयपद्मचिह्नं लक्ष्मीनृसिंह मम देहि करावलंबम् ॥

अंधस्य मे हृतविवेकमहाधनस्य चोरैर्महाबलिभिरिंद्रियनामधेयैः ।
मोहांधकारकुहरे विनिपातितस्य लक्ष्मीनृसिंह मम देहि करावलंबम् ॥

प्रह्लादनारदपराशरपुंडरीक-व्यासादिभागवतपुंगवहृन्निवास ।
भक्तानुरक्तपरिपालनपारिजात लक्ष्मीनृसिंह मम देहि करावलंबम् ॥

लक्ष्मीनृसिंहचरणाब्जमधुव्रतेन स्तोत्रं कृतं शुभकरं भुवि शंकरेण ।
ये तत्पठंति मनुजा हरिभक्तियुक्ता-स्ते यांति तत्पदसरोजमखंडरूपम् ॥